كاناداداعى بارلىق تەمٸرجول جولاۋشىلار تاسىمالى بەلگٸسٸز مەرزٸمگە دەيٸن توقتاتىلدى. وعان بايىرعى حالىقتاردىڭ قارسىلىق شاراسى سەبەپ بولدى, دەپ حابارلايدى VIA Rail كانادا جولاۋشىلار پويىزى وپەراتورى.
تورونتو مەن وتتاۆا, سونىمەن قاتار مونرەال اراسىنداعى تەمٸرجول قاتىناسىنا ٶتكەن بەيسەنبٸدەن بەرٸ تيەنديناگا-موگاۆك ٷندٸس حالقىنىڭ ٶكٸلدەرٸ كەدەرگٸ كەلتٸرٸپ جاتىر. وسى ارقىلى ولار بريتاندىق كولۋمبييا پروۆينتسيياسىنداعى جەرلەرٸندە قۇبىرجول سالىنۋىنا قارسى شىعىپ جاتقان ۆەتسۋۆەتەن تايپاسىنا قولداۋ كٶرسەتكەن.
ونتاريو پروۆينتسيياسى بەلۆيل قالاسىنداعى تەمٸرجول ماڭىنا لاگەر قۇرعان ٷندٸس تايپالارى ەلدٸڭ باتىسى مەن شىعىسىن بايلانىستىراتىن جالعىز تەمٸرجول قاتىناسىن توقتاتىپ تاستادى. CN تەمٸرجول كومپانيياسىنىڭ ۆاگونداردى ورنالاستىراتىن بوس ورنى بولماعاندىقتان تورونتودان شىعىسقا جٷرەتٸن بارلىق پويىزداردىڭ قوزعالىسى توقتاتىلدى. كەلەڭسٸز وقيعا ەكونوميكاعا ٷلكەن شىعىن ەكەلۋٸ مٷمكٸن. ٶيتكەنٸ, كومپانييانىڭ مەلٸمەتٸ بويىنشا, CN جىل سايىن 250 ملرد دوللاردان اسا تاۋار تاسىمالدايدى.
