Kanada premer-ministri Djastin Triýdo koronavirýs juqtyrdy. Ol bul týraly Twitter-de jazdy, dep habarlaidy QazAqparat.
Djastin Triýdo jalpy memlekettik erejege sáikes apta boiy úiden jumys isteitin bolady. Ol ózin jaqsy sezinetindigin málim etti.
Premer-ministr otandastaryn koronavirýstyq infektsiiaǵa qarsy ekpe alýǵa shaqyrdy.
29 qańtarda Triýdo otbasymen birge qaýipsizdik maqsatynda Ottavadan ketkeni habarlanǵan bolatyn. Astanada demalys kúnderi mindetti ekpege qarsy jappai narazylyq ótti. Atap aitqanda, Amerika Qurama Shtattaryna baratyn júk kólikteriniń júrgizýshileri AQSh shekarasyn kez kelgen baǵytta kesip ótetinderge 15 qańtardan bastap engizilgen mindetti vaktsinatsiia saldyrý talabyna qarsylyqtaryn bildirýde.
Úkimettik málimetterge sáikes Kanadanyń shetelge sapar jasaityn 120 000 júk kóligi júrgizýshileriniń 90% vaktsinatsiialanǵan.
2021 jyldyń 18 jeltoqsanyndaǵy jaǵdai boiynsha 12 jáne odan joǵary jastaǵy kanadalyqtardyń 87,3%-y ekpeniń eki dozasyn aldy.
