Foto: aa.com.tr
Ulybritaniia premer-ministri Kir Starmer Palestinany táýelsiz memleket retinde moiyndaý týraly resmi málimdeme jasady, dep habarlaidy Ult.kz.
"Budan 75 jyldan astam ýaqyt buryn biz Izrail memleketin evrei halqynyń otany retinde moiyndadyq. Búgin biz Palestinany da moiyndaǵan 150-den astam eldiń qataryna qosylyp otyrmyz. Bul – palestinalyq jáne izraildik halyqqa jaqsy bolashaq bolatynyna berilgen ýáde", – dedi Starmer.
Starmer bul qadamdy "HAMAS-qa berilgen syilyq emes" dep atap ótti. Óitkeni uiymnyń "eshqandai bolashaǵy joq, úkimetke qatyspaidy, qaýipsizdikti qamtamasyz etýge de qatyspaidy". London jaqyn ýaqytta HAMAS-qa qarsy sanktsiialardy keńeitpek.
Óz kezeginde Kanada premer-ministri Mark Karni: "Qazirgi Izrail úkimeti Palestina memleketiniń qurylýyna jol bermeý úshin júieli túrde qadamdar jasap jatyr", – dedi.
"HAMAS Izrail halqyna terror jasap keledi, Gazadaǵy turǵyndardy ezgige salyp, qorqynyshty azap shektirýde. HAMAS-tyń barlyq tutqyndardy bosatýy, tolyq qarýsyzdanýy jáne Palestinany basqarýda eshqandai ról oinamaýy – asa mańyzdy. HAMAS palestin halqyn tonady, onyń ómiri men bostandyǵyn tartyp aldy, sondyqtan ol eshqashan onyń bolashaǵyn aiqyndai almaidy", – delingen Kanadanyń úkimet saitynda jariialanǵan málimdemede.
Karnidiń aitýynsha, palestin biligi Kanadaǵa jáne halyqaralyq qaýymdastyqqa 2026 jyly reforma júrgizip, jalpy sailaý ótkizýge mindetteme alǵan. Ol sailaýǵa HAMAS qatyspaidy. Sondai-aq Palestina memleketin demilitarizatsiialaý jóninde kelisim jasalǵanyn kanadalyq premer qosty.
Aýstraliia premer-ministri Entoni Albaniz X jelisinde Palestinany moiyndaý jóninde málimdeme jariialady.
"Halyqaralyq qaýymdastyq Palestina avtonomiiasyna naqty talaptar qoidy. Palestina avtonomiiasynyń prezidenti Izraildiń ómir súrý quqyǵyn rastady jáne Aýstraliia aldynda tikelei mindettemeler aldy. Onyń ishinde demokratiialyq sailaý ótkizý, sondai-aq qarjy, basqarý jáne bilim berý salalarynda aýqymdy reformalar júrgizý mindettemesi bar", – delingen qujatta.
