«Ulttyq ǵylymi kardiohirýrgiia ortalyǵy» AQ basqarmasy tóraǵasynyń mindetin atqarýshy Mahabbat Bekbosynova júrek-qan tamyrlary aýrýy barlardy mindetti túrde emhanalarǵa tirkeýge turýǵa shaqyrdy, dep habarlaidy QazAqparat.
«Qazir Eýropada indettiń jańa tolqyny júrip jatyr. Elimizde koronavirýs infektsiiasy boiynsha jaǵdai turaqtandy. Qan ainalymy aýrýlaryna toqtalsaq, iaǵni sozylmaly júrek-qan tamyrlary aýrýy barlar jaýapkershilik tanytýy kerek. Osy oraida kovid-pnevmoniia kezinde táýekel tobynda enip tur. Kúretamyr, júrektiń ishemiialyq aýrýy, júrek arýlarymen qatar júretin qant diabeti naýqastary mindetti túrde turǵylyqty jeri boiynsha emhanalarda tirkeýge turýy kerek. Olar dárilik preparattardy qabyldaýy qajet», - dedi dáriger.
Mahabbat Bekbosynovanyń aitýynsha, kúretamyr qysymyn, qant deńgeiin baqylaýda ustaý óte mańyzdy. Sáikesinshe, barlyq dárilik preparattardy dárigerdiń nusqaýymen qabyldaý kerek.
«Júrek aýrýy barlar tirkeýde bolmasa, mindetti túrde emhanaǵa barýy kerek. Sebebi bul adamdarǵa virýstyq infektsiialar aýyr tiedi», - dedi dáriger.
