Almatyda 27 aqpanda ótetin MTK Fight Night týrnirine qatysýshylardyń salmaǵyn ólsheý rásimi ótti. Bul týraly "Ult aqparat" Sports.kz-ke silteme jasap habarlaidy.
Keshtiń basty jekpe-jeginde Qazaqstan quramasynyń kapitany Qamshybek Qońqabaev (2-0, 2 KO) birinshi aýyr salmaqtaǵy WBO Asia Pacific chempiony bos ataǵy úshin Ýkraina ókili Server Emýrlaevpen (23-1, 9 KO) judyryqtasady. Eki qarsylas ta óz sanattarynyń limiti - 90,7 keliden aspady.
Esterińizge sala keteiik, bastapqyda qazaqstandyqtyń qarsylasy soltústik irlandiialyq boksshy Stiven Ýord (13-1, 4 KO) bolýy kerek edi. Biraq ol jeke sebeptermen urystan shyǵýǵa májbúr boldy.
Sondai-aq shoý aiasynda ringke ózge de qazaqstandyq jáne sheteldik boksshylar shyǵady. Týrnir 27 aqpanda Nur-Sultan ýaqytymen 17:00-de bastalady. Tikelei efir Sporttimekz jáne IFL TV YouTube arnalarynda, sondai-aq ESPN arnalarynda kórsetiledi.
