Bokstan Qazaqstan komandasynyń kapitany, ári tý ustaýshy Qamshybek Qońqabaev Tokio Olimpiadasy qarsańynda óz oiymen bólisti. Boksshy olimpiadalyq aýyldaǵy uiymdastyrý deńgeii joǵary ekenin alǵa tartty dep jazady Olympic.kz.
«Kópten kútken Tokio Olimpiadasynyń da bastalýyna sanaýly kúnder qaldy. Búginde Qazaqstan komandasy Japoniia jerine taban tiredi. Munda koronavirýsty infektsiiaǵa bailanysty tyiym óte kóp. Erejelerdiń barlyǵyn saqtap júrmiz. Birneshe ret PTR test tapsyryp, denimizdiń saý ekenin qaita-qaita dáleldeýge mindettimiz. Qaýipsizdikti saqtaý úshin kóp kóńil bólinýde. Qazirgidei pandemiia jaǵdaiynda bul óte durys qadam dep esepteimin.
Keshe komandanyń alǵashqy jattyǵýy ótti. Bári de kóńilden shyǵady, bári de joǵary deńgeide. Kóńil-kúiimiz de tamasha. Bapkerler bizdi bul dodaǵa jaqsy daiyndady. Osy oraida, barsha qazaqstandyq jankúierlerdi bizdiń komandany qoldaýǵa shaqyramyn. Sizderdiń qoldaýlaryńyz mundai mańyzdy sátte asa qajet», - deidi bokstan komanda kapitany Qamshybek Qońqabaev.
