بوكستان قازاقستان كومانداسىنىڭ كاپيتانى, ەرٸ تۋ ۇستاۋشى قامشىبەك قوڭقاباەۆ توكيو وليمپياداسى قارساڭىندا ٶز ويىمەن بٶلٸستٸ. بوكسشى وليمپيادالىق اۋىلداعى ۇيىمداستىرۋ دەڭگەيٸ جوعارى ەكەنٸن العا تارتتى دەپ جازادى Olympic.kz.
«كٶپتەن كٷتكەن توكيو وليمپياداسىنىڭ دا باستالۋىنا ساناۋلى كٷندەر قالدى. بٷگٸندە قازاقستان كومانداسى جاپونييا جەرٸنە تابان تٸرەدٸ. مۇندا كوروناۆيرۋستى ينفەكتسيياعا بايلانىستى تىيىم ٶتە كٶپ. ەرەجەلەردٸڭ بارلىعىن ساقتاپ جٷرمٸز. بٸرنەشە رەت پتر تەست تاپسىرىپ, دەنٸمٸزدٸڭ ساۋ ەكەنٸن قايتا-قايتا دەلەلدەۋگە مٸندەتتٸمٸز. قاۋٸپسٸزدٸكتٸ ساقتاۋ ٷشٸن كٶپ كٶڭٸل بٶلٸنۋدە. قازٸرگٸدەي پاندەمييا جاعدايىندا بۇل ٶتە دۇرىس قادام دەپ ەسەپتەيمٸن.
كەشە كوماندانىڭ العاشقى جاتتىعۋى ٶتتٸ. بەرٸ دە كٶڭٸلدەن شىعادى, بەرٸ دە جوعارى دەڭگەيدە. كٶڭٸل-كٷيٸمٸز دە تاماشا. باپكەرلەر بٸزدٸ بۇل دوداعا جاقسى دايىندادى. وسى ورايدا, بارشا قازاقستاندىق جانكٷيەرلەردٸ بٸزدٸڭ كوماندانى قولداۋعا شاقىرامىن. سٸزدەردٸڭ قولداۋلارىڭىز مۇنداي ماڭىزدى سەتتە اسا قاجەت», - دەيدٸ بوكستان كوماندا كاپيتانى قامشىبەك قوڭقاباەۆ.
