Tokio Olimpidasynda bokstan asa aýyr salmaq dárejesi boiynsha jekpe-jekter bastaldy. Búgin ringke qazaqstandyq boksshy Qamshybek Qońqabaev shyqty, dep habarlaidy "Ult aqparat".
Qońqabaev alǵashqy jekpe-jekte mysyrlyq Esri Mostafa Rezkpen qolǵap túiistirdi. Birinshi raýndta ekeýi óte saq qimyldady. Qamshybektiń qarsylasy - boishań, qoly da uzyn. Degenmen qazaqstandyq boksshy birneshe soqqysyn dál tigizdi. Sonyń arqasynda birinshi raýnda bes tóreshiniń bári oǵan joǵary upai berdi. Ekinshi raýnd ta Qońqabaevtyń paidasyna sheshildi. Sońǵy raýnda mysyrlyq boksshy eshteńe istei almady. Qorytyndy esep – 5:0.
Aita keteiik, Olimpiadada tórt boksshymyz qaldy. Zakir Safiýllin (63 keli) men Sáken Bibosynov (52 keli) alǵashqy jekpe-jekterin sátti ótkizgen. Búgin Ábilhan Amanqul (75 keli) ózbek boksshysy Fanat Qahramonovty aiqyn basymdyqpen jeńdi.
Al Qazaqstannyń áielder komandasy atynan Tokio Olimpiadasyna barǵan jalǵyz boksshy Nadejda Riabets (75 keli) birinshi jekpe-jekte utylsa, Serik Temirjanov (57 keli) ekinshi ainalymnan asa almady. Budan bólek, 69 keli salmaq dárejesinde Abylaihan Júsipov amerikalyq boksshyǵa jol berdi. Al Vasilii Levit (91 keli) nokaýtpen utyldy. Álem chempiony Bekzad Nurdáýletov te birinshi jekpe-jekte reseilik boksshydan jeńilip qaldy.
