توكيو وليمپيداسىندا بوكستان اسا اۋىر سالماق دەرەجەسٸ بويىنشا جەكپە-جەكتەر باستالدى. بٷگٸن رينگكە قازاقستاندىق بوكسشى قامشىبەك قوڭقاباەۆ شىقتى, دەپ حابارلايدى "ۇلت اقپارات".
قوڭقاباەۆ العاشقى جەكپە-جەكتە مىسىرلىق ەسري موستافا رەزكپەن قولعاپ تٷيٸستٸردٸ. بٸرٸنشٸ راۋندتا ەكەۋٸ ٶتە ساق قيمىلدادى. قامشىبەكتٸڭ قارسىلاسى - بويشاڭ, قولى دا ۇزىن. دەگەنمەن قازاقستاندىق بوكسشى بٸرنەشە سوققىسىن دەل تيگٸزدٸ. سونىڭ ارقاسىندا بٸرٸنشٸ راۋندا بەس تٶرەشٸنٸڭ بەرٸ وعان جوعارى ۇپاي بەردٸ. ەكٸنشٸ راۋند تا قوڭقاباەۆتىڭ پايداسىنا شەشٸلدٸ. سوڭعى راۋندا مىسىرلىق بوكسشى ەشتەڭە ٸستەي المادى. قورىتىندى ەسەپ – 5:0.
ايتا كەتەيٸك, وليمپيادادا تٶرت بوكسشىمىز قالدى. زاكير سافيۋللين (63 كەلٸ) مەن سەكەن بيبوسىنوۆ (52 كەلٸ) العاشقى جەكپە-جەكتەرٸن سەتتٸ ٶتكٸزگەن. بٷگٸن ەبٸلحان امانقۇل (75 كەلٸ) ٶزبەك بوكسشىسى فانات قاحرامونوۆتى ايقىن باسىمدىقپەن جەڭدٸ.
ال قازاقستاننىڭ ەيەلدەر كومانداسى اتىنان توكيو وليمپياداسىنا بارعان جالعىز بوكسشى نادەجدا ريابەتس (75 كەلٸ) بٸرٸنشٸ جەكپە-جەكتە ۇتىلسا, سەرٸك تەمٸرجانوۆ (57 كەلٸ) ەكٸنشٸ اينالىمنان اسا المادى. بۇدان بٶلەك, 69 كەلٸ سالماق دەرەجەسٸندە ابىلايحان جٷسٸپوۆ امەريكالىق بوكسشىعا جول بەردٸ. ال ۆاسيليي لەۆيت (91 كەلٸ) نوكاۋتپەن ۇتىلدى. ەلەم چەمپيونى بەكزاد نۇردەۋلەتوۆ تە بٸرٸنشٸ جەكپە-جەكتە رەسەيلٸك بوكسشىدان جەڭٸلٸپ قالدى.
