2020 jyly kameraldyq baqylaý barysynda 983 mlrd teńgege buzýshylyqtar anyqtaldy. Bul týraly Úkimet otyrysynda QR Qarjy ministri Erulan Jamaýbaev aitty, dep habarlaidy "Ult aqparat".
«2020 jyly kameraldyq baqylaýmen somasy 10,4 trln teńge bolatyn 1,4 millionnan asa memlekettik satyp alý rásimi qamtyldy. Tekserý qorytyndylary boiynsha somasy 983 mlrd teńgege buzýshylyqtar eskertildi», - dedi ministr.
Onyń aitýynsha, ótken jyly 2 177 aýditorlyq is-shara ótkizildi. Aýditpen 1 trln teńge biýdjet qarajaty qamtyldy. Somasy 251 mlrd teńgege qarjylyq buzýshylyqtar anyqtaldy. Onyń 74 paiyzy býhgalterlik jáne qarjylyq esepti júrgizýge tiesili bolyp otyr.
«Taýarlardy jetkizýdi, qyzmetterdi kórsetýdi jáne jumystardy oryndaýdy qalpyna keltirý, biýdjetke óteý jáne esepke alý boiynsha kórsetý jolymen 237 mlrd teńgege buzýshylyqtar joiyldy. Aýdit nysandary qyzmetiniń tiimdiligin jetildirý jáne arttyrý úshin 1 950 usynym berildi», - dedi Erulan Jamaýbaev.
