«Qazaqstan Respýblikasyndaǵy beibit jinalystar, mitingiler, sherýler, piketter men demonstratsiialar uiymdastyrý jáne ótkizý tártibi týraly» zań jobasynda adam jasyna qatysty shekteý qoiylmaidy. Bul týraly elordada zań jobasyn talqylaý barysynda belgili boldy, dep habarlaidy QazAqparat.
«Qatysýshy» degen uǵymǵa qatysty jasqa bailanysty shekteý joq. Endi beibit jinalysqa 18 jasqa tolmaǵandar da qatysýy múmkin. Jobada jasqa qatysty shekteý bar, biz sol shekteýdi alyp tastaýdy qarastyryp jatyrmyz», - dedi QR Aqparat jáne qoǵamdyq damý vitse-ministri Daniiar Esin.
Sondai-aq, ol zań jobasynan alyp tastaǵan keibir mindettemeler týraly aitty.
«Beibit jinalystardy uiymdastyrýshy Qazaqstanda beibit jinalystardy uiymdastyrý tártibi týraly zańnamany buzǵany úshin birneshe ret ákimshilik jazaǵa tartylǵan azamat bola almaidy« degen norma alynyp tastaldy. Sonymen qatar, beibit jinalysqa kelýshider sany artyp ketken jaǵdaida jinalysty toqtatý kerek degen mindetteme de alynyp tastalady», - deidi ol.
Eske sala ketsek, elordada QR Aqparat jáne qoǵamdyq damý ministri Dáýren Abaev pen kópshiliktiń qatysýymen beibit jinalys ótkizýge qatysty zań jobasy talqylandy.
