Sońǵy jyldary kámeletke tolmaǵandardyń jynystyq qol suǵylmaýshylyǵyna qarsy qylmystar kóbeidi.
Bul týraly QR Zańnama jáne quqyqtyq aqparat institýtynyń jetekshi ǵylymi qyzmetkeri, zań ǵylymdarynyń kandidaty Serik Qarjaýbaev aitty, dep habarlaidy QazAqparat.
«Sońǵy jyldary mundai qylmystar kóbeiip keledi jáne statistika muny rastaidy. Mysaly, keibir aimaqtarda kámeletke tolmaǵandardyń jynystyq qol suǵylmaýshylyǵyna qarsy quqyq buzýshylyqtardyń sany artyp keledi», - dedi Serik Qarjaýbaev elordada ótken halyqaralyq ǵylymi-praktikalyq onlain konferentsiiada.
Onyń aitýynsha, kámeletke tolmaǵandardyń jynystyq qol suǵylmaýshylyǵyna qarsy qylmystar Qostanai, Qyzylorda, Mańǵystaý, Almaty oblystarynda baiqalady. Jariialanǵan málimetterge sáikes, 2019 jyly QR QK-niń 120-baby boiynsha 1004 quqyq buzýshylyq jasaldy, onyń 158-i kámeletke tolmaǵandarǵa qatysty.
«Statistikalyq málimetter kámeletke tolmaǵandardyń jynystyq qol suǵylmaýshylyǵyna qarsy quqyq buzýshylyqtardyń únemi ósip otyratynyn kórsetedi», - deidi ol.
