Nur-Sultan qalasyndaǵy kópqabatty úidiń kire berisinde kámeletke tolmaǵan qyzǵa tiisken kúdikti ustalyp, qamaldy, dep habarlaidy QazAqparat.
Bul týraly Nur-Sultan qalasy politsiia departamentiniń baspasóz qyzmeti málimet taratty.
«Kámeleket tolmaǵan qyzǵa qol júgirtken astanalyq 10 táýlikke qamaýǵa alyndy. Buǵan deiin «102» kanalyna astana turǵynynan keshki ýaqytta turǵyn úidiń kire berisinde onyń 16 jastaǵy qyzyna beitanys er adam tiiskenin habarlaǵan bolatyn», - dep jazylǵan departamenttiń málimetinde.
Izdestirý sharasynyń kezinde 20 jastaǵy stýdent ustalǵan bolatyn.
«Zańbuzýshynyń ústinen ainaladaǵy adamdarǵa qurmetsizdik kórsetip, mazasyn alý faktisi boiynsha QR Ákimshilik quqyq buzý týraly kodeksiniń 434-baby boiynsha ákimshilik is qozǵaldy. Búgin kúdikti Nur-Sultan qalasynyń mamandandyrylyǵan aýdanaralyq ákimshilik sotynyń sheshimimen 10 táýlikke qamaýǵa alynyp, ákimshilik qamaýǵa alynǵandardy qabyladýǵa arnalǵan orynǵa jiberildi», - dep jazylǵan departamenttiń baspasóz qyzmeti taratqan aqparatta.
