«Fingramota Online» qosymshasyna jeltoqsan aiynda jii kelip túsken suraqtardyń arasynda kámeletke tolmaǵan balaǵa bankte depozit ashý múmkindigi suralǵan. Osy oraida fingramota.kz saitynda bul suraqtarǵa berilgen jaýap usynyldy, dep habarlaidy "Ult aqparat".
«Qazirgi ýaqytta depozitterdi ashý boiynsha tikelei shekteýler joq. Qazaqstannyń kez kelgen bankinde 18 jastan bastap depozit ashýǵa bolady. Keibir bankter ata-analardyń nemese qamqorshylardyń bastamasymen jáne kelisimimen «balalar» depozitin ashýdy usynady. Kámeletke tolmaǵandarǵa óz betinshe depozit ashýdy tek birneshe bank usynady, olar depozit ashý kezinde ózderiniń ishki erejelerine súienedi. Bul rette, ata-analardyń nemese qamqorshylardyń kelisimi mindetti túrde bolýy tiis», - delingen mamandardyń jaýabynda.
Aita keteiik, QR Qarjy naryǵyn retteý jáne damytý agenttigi 2020 jylǵy 25 maýsymnan bastap «Fingramota Online» mobildi qosymshany iske qosty. Bul qarjy retteýshisiniń halyqpen jáne biznespen ózara is-áreketiniń yńǵaily quraly.
