Qazaqstan Respýblikasy Úkimetiniń Qaýlysymen Kamaljan Talǵatuly Nadyrov basqa jumysqa aýysýyna bailanysty Qazaqstan Respýblikasynyń densaýlyq saqtaý vitse-ministri qyzmetinen bosatyldy, dep habarlaidy "Ult aqparat" primeminister.kz saityna silteme jasap.
K. Nadyrov 1983 jyly Almaty qalasynda dúniege kelgen. S. J. Asfendiiarov atyndaǵy Qazaq memlekettik meditsina ýniversitetin, Turan ýniversitetin, Qoǵamdyq densaýlyq saqtaý joǵary mektebin támamdaǵan. Túrli jyldary Duke University, «The Fuqua School of Business» (AQSh), «Parkway College» (Singapýr), «Florence Nightingale» (Túrkiia) klinikalar tobynan, «Oxford «Social Health Insurance system» (Germaniia) oqýdan ótken.
2007-2014 jyldary B. O. Jarbosynov atyndaǵy Ýrologiia ǵylymi ortalyǵynda klinika ordinatory, bólim meńgerýshisi, bas direktordyń orynbasary qyzmetterin atqardy.
Densaýlyq saqtaý ministrliginiń qurylymynda 2014 jyldan bastap jumys isteidi. Meditsinalyq qyzmetterdi standarttaý departamenti direktorynyń orynbasary qyzmetin atqardy.
2016-2017 jyldar aralyǵynda Respýblikalyq diagnostikalyq ortalyqty basqardy — «University Medical Center» filialynyń direktory boldy.
2017-2018 jyldary — Astana qalasynyń Densaýlyq saqtaý basqarmasynyń basshysy.
2018 jylǵy naýryzdan 2019 jylǵy naýryzǵa deiin Astana qalasy Qoǵamdyq densaýlyq saqtaý basqarmasynyń basshysy qyzmetin atqardy.
2019 jylǵy naýryzdan bastap qazirgi tańǵa deiin QR densaýlyq saqtaý vitse-ministri laýazymyn atqardy.
