Koronavirýsqa qarsy vaktsinatsiianyń qazirgi qarqyny kezinde qalypty ómirge oralýǵa áli 7 jyl kerek. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Koronavirýsqa qarsy vaktsina egýdiń bastalýyna bailanysty optimizmge qaramastan, 2021 jyldyń alǵashqy aiynda áli de joǵary belgisizdik saqtaldy. Virýstyń jańa shtammynyń taralýy jáne birqatar elderde vaktsinalyq protektsionizmniń kúsheiýi álemdik ekonomikanyń qalpyna kelý qarqynyn tejeýde. Vaktsina óndirisi men bólinýi birkelki júrgizilmei otyr. Vaktsinatsiia qarqyny boiynsha Izrail aldyńǵy qatardaǵy el bolyp otyr. Onda halyqtyń 41,6 paiyzy vaktsinanyń bir jáne odan da kóp dozasyn aldy», - dedi ol.
Onyń aitýynsha, álemniń iri ekonomikalarynda vaktsinatsiia deńgeii aitarlyqtai tómen.
Máselen, Ulybritaniiada – 20,2, Amerika Qurama Shtattarynda - 10,9%, Eýroodaqta - 2,9 paiyz ǵana. Kóptegen damýshy elder áli vaktsina egýdi bastaǵan da joq.
«Halyqaralyq sarapshylardyń boljamy boiynsha vaktsinatsiianyń qazirgi qarqyny kezinde álem halqynyń 75 paiyzyn qamtý jáne qalypty ómirge qaitarý úshin 7 jyldan astam ýaqyt qajet bolady», - dedi Erbolat Dosaev.
UB tóraǵasynyń aitýynsha, qańtarda pandemiianyń qaita órshýinen jáne vaktsinalardy taratýdyń keshigýinen ekonomikanyń baiaýlaýy múmkin degen alańdaýshylyqqa bailanysty jahandyq qor naryqtary tómendedi. AQSh-taǵy naryqtar birqatar kompaniiaǵa qatysty kásibi emes treiderlerdiń alypsatarlyq mámilelerine bailanysty qosymsha qysymǵa ushyrady. Bul qubylmalylyq indeksiniń 22-den 33 paiyzǵa deiin 11 paiyzdyq tarmaqqa ósýine ákeldi. Sonyń aiasynda AQSh dollary nyǵaidy. Bul AQSh-tyń memlekettik baǵaly qaǵazdary kiristiliginiń ósýimen birge altyn baǵasynyń tómendeýine alyp keldi.
«Shekteý sharalaryn qatańdatý jaǵdaiynda iskerlik belsendiliktiń jahandyq indeksi biylǵy jylǵy qańtarda 52,3 tarmaqqa deiin, onyń ishinde óndiris pen jańa tapsyrystar ósýiniń baiaýlaýy nátijesinde Eýroodaqta – 48,7-ge deiin, Qytaida – 51,5-ke deiin tómendedi. Birkelki emes jáne baiaý vaktsinatsiia, jetkizý men óndirýdegi qiyndyqtar, jańa shtammdardyń paida bolýy jáne únemi engiziletin shekteýler 2021 jyly jahandyq suranystyń ósýin tejeitin bolady», - dedi ol.
