Jol apatyna túsken soń ólgen adam sanalǵan Úndistan turǵyny jeti saǵattan keiin máiithanada "tirilip ketti", dep habarlaidy KAZ.NUR.KZ portaly RIA Novosti agenttigine silteme jasap.
40 jastaǵy elektrshi Shrikesh Kýmardy eldiń soltústigindegi Moradabad qalasynda mototsikl qaǵyp ketken.
Dárigerler ony ólimin tirkep, denesin máitihanaǵa jibergen.
Ol jerde er adam jeti saǵat jatqan. Kenet máitihanaǵa kelgen qalyńdyǵy Shrikeshtiń tynystap jatqanyn baiqaǵan.
"Jedel járdem qyzmetkeri túngi úshte kelip bul patsientti teksergen, onyń júrek soǵysy sezilmegen. Ol bul adamdy birneshe ret qaraǵan. Osydan keiin ol ólgen adam dep sanalǵan. Alaida tańerteń politsiia men onyń otbasy kelip, tiri ekenin aitty. Tergeý júrgizý týraly buiryq berildi. Endi bizdiń basty mindetimiz – onyń ómirin saqtap qalý", - deidi sýperintendant Shiv Singh.
Qazir Shrikesh Kýmar meditsinalyq ortalyqta em alýda. Qalyńdyǵynyń aitýynsha, er adam áli óz-ózine kelmegen.
Ol sonymen qatar, Shrikeshtiń otbasy óz isine salǵyrt qaraǵan meditsina qyzmetkerleriniń ústinen shaǵymdanýǵa nietti ekenin aitty.
