جول اپاتىنا تٷسكەن سوڭ ٶلگەن ادام سانالعان ٷندٸستان تۇرعىنى جەتٸ ساعاتتان كەيٸن مەيٸتحانادا "تٸرٸلٸپ كەتتٸ", دەپ حابارلايدى KAZ.NUR.KZ پورتالى ريا نوۆوستي اگەنتتٸگٸنە سٸلتەمە جاساپ.
40 جاستاعى ەلەكترشٸ شريكەش كۋماردى ەلدٸڭ سولتٷستٸگٸندەگٸ موراداباد قالاسىندا موتوتسيكل قاعىپ كەتكەن.
دەرٸگەرلەر ونى ٶلٸمٸن تٸركەپ, دەنەسٸن مەيتٸحاناعا جٸبەرگەن.
ول جەردە ەر ادام جەتٸ ساعات جاتقان. كەنەت مەيتٸحاناعا كەلگەن قالىڭدىعى شريكەشتٸڭ تىنىستاپ جاتقانىن بايقاعان.
"جەدەل جەردەم قىزمەتكەرٸ تٷنگٸ ٷشتە كەلٸپ بۇل پاتسيەنتتٸ تەكسەرگەن, ونىڭ جٷرەك سوعىسى سەزٸلمەگەن. ول بۇل ادامدى بٸرنەشە رەت قاراعان. وسىدان كەيٸن ول ٶلگەن ادام دەپ سانالعان. الايدا تاڭەرتەڭ پوليتسييا مەن ونىڭ وتباسى كەلٸپ, تٸرٸ ەكەنٸن ايتتى. تەرگەۋ جٷرگٸزۋ تۋرالى بۇيرىق بەرٸلدٸ. ەندٸ بٸزدٸڭ باستى مٸندەتٸمٸز – ونىڭ ٶمٸرٸن ساقتاپ قالۋ", - دەيدٸ سۋپەرينتەندانت شيۆ سينگح.
قازٸر شريكەش كۋمار مەديتسينالىق ورتالىقتا ەم الۋدا. قالىڭدىعىنىڭ ايتۋىنشا, ەر ادام ەلٸ ٶز-ٶزٸنە كەلمەگەن.
ول سونىمەن قاتار, شريكەشتٸڭ وتباسى ٶز ٸسٸنە سالعىرت قاراعان مەديتسينا قىزمەتكەرلەرٸنٸڭ ٷستٸنەن شاعىمدانۋعا نيەتتٸ ەكەنٸن ايتتى.
