Ishki ister ministri Qalmuhanbet Qasymov eki jyl buryn Almatyda terakt jasaǵan Rýslan Kúlikbaevqa túrmede qatań baqylaý jasalǵanyn aityp berdi, dep habarlaidy QazAqparat tilshisi.
«Kúlikbaev týraly aitarym: ol qazirgi ýaqytta túrmede jazasyn ótep jatyr. Kamerada. Qatań baqylaýda, álbette kameraǵa beinebaqylaý ornatylǵan. Ol eki márte óz ózine qol salmaq boldy. Óz ózine qol jumsamaq bolǵanyn kórgen bizdiń qyzmetkerlerge birden ishke kirip, áreketiniń aldyn aldy. Biz ony turaqty baqylaýda ustaityn bolamyz. Óz ózine qol jumsaý týraly oiy bar ekeni túsinikti. Ol túzelýge kelmeitinin aitqym keledi. Qolǵa alyp jatqan jumystardyń shynyn aitqanda eshqandai psihologiialyq áseri joq. Ol óziniń pikirinde qalyp otyr. Ol qatań baqylaýda bola beredi», - dedi ministr OKQ-da ótken baspasóz máslihatynda.
Eske sala ketsek, 2016 jyldyń 2 qarashasynda Almatyda terakt uiymdastyryp, 10 adamnyń ómirin qiǵan Rýslan Kúlekbaevqa jáne onyń sybailastaryna qatysty sot úkimi shyqqan bolatyn.
