Prezident Qasym-Jomart Toqaev Qalmuhanbet Qasymovty óziniń otstavkaǵa jáne memlekettik qyzmetten ketý týraly ótinishi boiynsha Qazaqstan Respýblikasy Memlekettik kúzet qyzmetiniń bastyǵy laýazymynan bosatty.
Bul týraly óziniń Facebook paraqshasynda QR Prezidentiniń baspasóz hatshysy Berik Ýáli jazdy, dep habarlaidy "Ult aqparat".
«Qasym-Jomart Toqaev Qalmuhanbet Qasymovqa quqyq qorǵaý organdaryndaǵy uzaq jylǵy qyzmeti men Memlekettik kúzet qyzmetiniń bastyǵy retinde sińirgen eńbegi úshin alǵys bildirdi. Memlekettik kúzet qyzmeti bastyǵynyń mindetin ýaqytsha atqarý E.A.Saǵymbaevqa júkteldi», - delingen habarlamada.
Qalmuhanbet Qasymovtyń Memlekettik kúzet qyzmetiniń bastyǵy laýazymynan bosatylǵany týraly Memleket basshysynyń Jarlyǵy Aqordanyń resmi saitynda jariialandy.
