29, 30, 31 naýryzda Q.Qýanyshbaev atyndaǵy memlekettik akademiialyq qazaq mýzykalyq-drama teatry «Qunanbai» spektakliniń premerasyn usynady, dep habarlaidy "Ult aqparat" mádeniet jáne sport ministrligine silteme jasap.
«Abylai han, Zere, Abai syndy dara tulǵalarmen erekshelenetin teatr repertýarynyń qorjyny Qunanbai beinesimen tolyǵady. QR Táýelsizdiginiń jáne «Qalleki» teatrynyń 30 jyldyǵyna orai sahnalanǵan «Qunanbai» dramasynyń qoiýshy rejisseri – Qazaqstannyń eńbek sińirgen qairatkeri Bolat Uzaqov. Týyndy avtory – Talasbek Ásemqulov. Qoiýshy sýretshisi – Qanat Maqsutov. Qunanbai beinesin sahnada úsh quramda - Qazaqstannyń Halyq artisi Tilektes Meiramov, Qazaqstannyń eńbek sińirgen qairatkeri Erlan Malaev, akter Nartai Saýdanbekuly somdaidy», delingen habarlamada.
Spektakl premerasyna orai, 29 naýryz kúni saǵat 17.30-da buqaralyq aqparat ókilderine arnalǵan baspasóz konferentsiiasy ótedi. Oǵan teatr direktory Ernar Jumataev, teatrdyń kórkemdik jetekshisi Qýandyq Qystyqbai, rejisser Bolat Uzaqov qatysady.
29 naýryzda saǵat 19.00-de teatr sahnasynda spektakl kórsetilimi bastalady.
