Aqyn Qalqaman Sarin Óskemen qalasynyń mádeniet, ishki saiasat, jáne tilderdi damytý basqarmasynyń basshysy bolyp taǵaiyndaldy, – dep habarlaidy «Ult aqparat».
«Belgili aqyn, Shyǵys Qazaqstan oblysynyń týmasy Qalqaman Sarin Óskemen qalasynyń mádeniet, ishki saiasat, jáne tilderdi damytý bólimin basqaratyn bolady.Daryndy jerlesimizge jańa qyzmette mol tabys tileimin!» – dep jazdy Óskemen qalasynyń ákimi Jaqsylyq Omar Feisbýk paraqshasynda.
Qalqaman Sarin 1998 jyly Evraziia ulttyq ýniversitetin «Tarih» mamandyǵy boiynsha támámdaǵan. 2014 jyly atalmysh oqý ornynyń magistratýrasyn aiaqtap, gýmanitarlyq ǵylymdardyń magistri atandy.
Eńbek jolyn ustazdyqtan bastap, 1998 jyldan 2008 jylǵa deiin Qazaq Ulttyq Mýzyka akademiiasynda oqytýshylyq qyzmet atqarǵan.
2008-2018 jyldar aralyǵynda Evraziia ulttyq ýniversitetinde oqytýshy jáne rektordyń keńesshisi bolyp eńbek etti.
2018-2019 jyldary «Shalqar» ulttyq radiosynyń direktory qyzmetin atqardy. QR Jazýshylar odaǵynyń múshesi, aqyn Qalqaman Sarin shyǵarmashylyqta da mol tabysqa qol jetkizgen.
Halyqaralyq «Shabyt» festivaliniń laýreaty. «Altyn qalam» ádebi syilyǵynyń jeńimpazy. QR Úkimetiniń «Daryn» memlekettik jastar syilyǵynyń laýreaty. Qazaqstan Respýblikasy Tuńǵysh Prezidenti – Elbasy Qory syilyǵynyń laýareaty.
