Kaliforniiada orman órtinen qaza tapqandar sany 31 adamǵa jetti. Olardyń súiekteri Paradais qalasy mańynan tabylǵan. 250 myń adam óz úiin tastaýǵa májbúr boldy, dep habarlaidy VVS.
Qazirgi tańda Kaliforniiada úsh iri órtti sóndire almai jatyr. Olardyń biri - Soltústik Kaliforniiada. Ol shtat tarihyndaǵy eń iri órt bolyp otyr. Jergilikti biliktiń deregi boiynsha, jalyn 42 myń gektardy sharpyǵan. Qaza tapqan 31 adamnyń ishindegi 27-iniń ómirin osy órt qiyp ketti. Tilsiz jaý Paradais qalasyn tolyqtai jaipaǵan.
Ońtústik Kaliforniiada taǵy eki órt bolyp jatyr. Ol Los-Andjeles aýdany men Ventýra okrýgin de sharpyǵan. Bir túnniń ishinde onyń aýmaǵy 28 myń gektarǵa deiin ósken, al ekinshisi 1,8 myń gektardy quraǵan. Órt Tynyq muhityna qarai jyljyp barady, saldarynan jaǵalaýdaǵy aýdandarǵa, tanymal kaliforniialyq kýrort Malibýǵa qaýip tónip otyr.
Shtatta tótenshe jaǵdai jariialandy. Órt sóndirýshilerdiń boljamy boiynsha, onyń taralýyn tolyqtai baqylaýǵa alý úshin úsh apta ýaqyt qajet.
Shtattyń soltústiginde, Sakramento mańynda da órt tutandy. Onyń saldarynan Paradais qalasynda bes adam qaza tapty - olar óz kólikterinde kóz jumdy.
26 myń adam ómir súrip jatqan Paradais qalasy turǵyndarynyń basym bóligi evakýatsiialandy.
