كاليفورنييادا ورمان ٶرتٸنەن قازا تاپقاندار سانى 31 ادامعا جەتتٸ. ولاردىڭ سٷيەكتەرٸ پارادايس قالاسى ماڭىنان تابىلعان. 250 مىڭ ادام ٶز ٷيٸن تاستاۋعا مەجبٷر بولدى, دەپ حابارلايدى ۆۆس.
قازٸرگٸ تاڭدا كاليفورنييادا ٷش ٸرٸ ٶرتتٸ سٶندٸرە الماي جاتىر. ولاردىڭ بٸرٸ - سولتٷستٸك كاليفورنييادا. ول شتات تاريحىنداعى ەڭ ٸرٸ ٶرت بولىپ وتىر. جەرگٸلٸكتٸ بيلٸكتٸڭ دەرەگٸ بويىنشا, جالىن 42 مىڭ گەكتاردى شارپىعان. قازا تاپقان 31 ادامنىڭ ٸشٸندەگٸ 27-ٸنٸڭ ٶمٸرٸن وسى ٶرت قيىپ كەتتٸ. تٸلسٸز جاۋ پارادايس قالاسىن تولىقتاي جايپاعان.
وڭتٷستٸك كاليفورنييادا تاعى ەكٸ ٶرت بولىپ جاتىر. ول لوس-اندجەلەس اۋدانى مەن ۆەنتۋرا وكرۋگٸن دە شارپىعان. بٸر تٷننٸڭ ٸشٸندە ونىڭ اۋماعى 28 مىڭ گەكتارعا دەيٸن ٶسكەن, ال ەكٸنشٸسٸ 1,8 مىڭ گەكتاردى قۇراعان. ٶرت تىنىق مۇحيتىنا قاراي جىلجىپ بارادى, سالدارىنان جاعالاۋداعى اۋداندارعا, تانىمال كاليفورنييالىق كۋرورت ماليبۋعا قاۋٸپ تٶنٸپ وتىر.
شتاتتا تٶتەنشە جاعداي جارييالاندى. ٶرت سٶندٸرۋشٸلەردٸڭ بولجامى بويىنشا, ونىڭ تارالۋىن تولىقتاي باقىلاۋعا الۋ ٷشٸن ٷش اپتا ۋاقىت قاجەت.
شتاتتىڭ سولتٷستٸگٸندە, ساكرامەنتو ماڭىندا دا ٶرت تۇتاندى. ونىڭ سالدارىنان پارادايس قالاسىندا بەس ادام قازا تاپتى - ولار ٶز كٶلٸكتەرٸندە كٶز جۇمدى.
26 مىڭ ادام ٶمٸر سٷرٸپ جاتقان پارادايس قالاسى تۇرعىندارىنىڭ باسىم بٶلٸگٸ ەۆاكۋاتسييالاندى.
