AQSh-tyń batysyndaǵy órt sóndirýshiler toby, áskeri ushaqtar jáne Ulttyq gvardiia kúshteri jeksenbide AQSh-tyń Kaliforniia shtatyna aimaqtaǵy jiyrmaǵa jýyq iri orman órtin óshirý úshin keldi. San-Frantsisko shyǵanaǵy aimaǵy órtenip jatyr. 200 myńnan astam adam úilerin tastap ketýge májbúr bolǵan, dep habarlaidy "Ult aqparat".
«Órt ártúrli baǵytta taralýda jáne birneshe eldi mekenge taraǵan», - dep habarlady LNU Lightning Complex dep atalatyn eń iri órt týraly Kaliforniianyń orman sharýashylyǵy jáne órtten qorǵaý departamenti.
Sońǵy aptada Kaliforniianyń soltústigi men ortalyǵynda naizaǵai túsken soń tutanǵan órt kem degende alty adamnyń ómirin qidy. 700-ge jýyq úi men basqa da ǵimarattardy qiratqan. Jalpy alǵanda, órt saldarynan shamamen bir million akr jer janyp ketti.
Órt Napa, Sonoma, Leik, Jolo jáne Solano okrýgterindegi shamamen 340000 akr (1 akr - 0,4 gektar) aýmaqty qamtyǵan.
Qazirgi ýaqytta bul amerikalyq shtat tarihyndaǵy ekinshi iri tabiǵi órt jáne jeksenbi kúni tústen keiin tek 17%-y ǵana óshirildi. Ońtústik baǵyttaǵy SCU Lightning Complex dep atalatyn órt 339 000 akr aýmaqqa taraldy.
Senbide AQSh prezidenti Donald Tramp órtti iri tabiǵat apaty dep jariialady, jeti aýdanda órtten zardap shekken turǵyndar men kásiporyndarǵa ýaqytsha baspana men jóndeý aqysyn tóleýge kómektesý úshin federaldy qarajat bólýdi buiyrdy.
