San-Hose qalasynda (Kaliforniia shtaty) temirjol deposy janynda bolǵan atys qurbandarynyń sany segiz adamnan toǵyzǵa jetti, dep habarlaidy NBC telearnasy.
Telearnanyń málimetinshe, zardap shekken adam sársenbi kúni aýyr halde aýrýhanaǵa jetkizildi. Biraq kóp uzamai kóz jumdy.
Sársenbi kúni jergilikti kólik basqarmasynyń qyzmetkeri San-Hosedegi temirjol deposynyń janynda oq atqan. Buǵan deiin habarlanǵandai, atys saldarynan segiz adam qaza tapqan, olardyń arasynda basqarma qyzmetkerleri de bar. Amerikalyq BAQ-tyń habarlaýynsha, quqyq qorǵaý organdary San-Hosede ózin-ózi óltirgen jankeshtiniń áreketiniń sebepterin anyqtaý maqsatynda tergeý júrgizýde. Bastapqyda politsiia qylmyskerdiń kózin joiǵany týraly habarlandy.
Santa-Klara okrýgi sherifiniń orynbasary Rassell Devis baspasóz máslihatynda politsiia bolýy múmkin jarylǵysh qurylǵylardy izdep depo aýmaǵyn tekserip jatqanyn aitqan. Olardyń bireýi tabyldy.
Bilik oq atqan adamnyń aty-jónin jariialamaidy. Alaida, keshe AP agenttigi habarlaǵandai, quqyq qorǵaý organdaryndaǵy derekkózderiniń málimetinshe, oq atqan – 57 jastaǵy Semiýel Kessidi. Ol depoda 2012 jyldan beri jumys istegen. Politsiia onyń úiin de tintýde. Opat bolǵandardyń arasynda 29 men 63 jas aralyǵyndaǵy er adamdar bar.
