سان-حوسە قالاسىندا (كاليفورنييا شتاتى) تەمٸرجول دەپوسى جانىندا بولعان اتىس قۇرباندارىنىڭ سانى سەگٸز ادامنان توعىزعا جەتتٸ, دەپ حابارلايدى NBC تەلەارناسى.
تەلەارنانىڭ مەلٸمەتٸنشە, زارداپ شەككەن ادام سەرسەنبٸ كٷنٸ اۋىر حالدە اۋرۋحاناعا جەتكٸزٸلدٸ. بٸراق كٶپ ۇزاماي كٶز جۇمدى.
سەرسەنبٸ كٷنٸ جەرگٸلٸكتٸ كٶلٸك باسقارماسىنىڭ قىزمەتكەرٸ سان-حوسەدەگٸ تەمٸرجول دەپوسىنىڭ جانىندا وق اتقان. بۇعان دەيٸن حابارلانعانداي, اتىس سالدارىنان سەگٸز ادام قازا تاپقان, ولاردىڭ اراسىندا باسقارما قىزمەتكەرلەرٸ دە بار. امەريكالىق باق-تىڭ حابارلاۋىنشا, قۇقىق قورعاۋ ورگاندارى سان-حوسەدە ٶزٸن-ٶزٸ ٶلتٸرگەن جانكەشتٸنٸڭ ەرەكەتٸنٸڭ سەبەپتەرٸن انىقتاۋ ماقساتىندا تەرگەۋ جٷرگٸزۋدە. باستاپقىدا پوليتسييا قىلمىسكەردٸڭ كٶزٸن جويعانى تۋرالى حابارلاندى.
سانتا-كلارا وكرۋگٸ شەريفٸنٸڭ ورىنباسارى راسسەلل دەۆيس باسپاسٶز مەسليحاتىندا پوليتسييا بولۋى مٷمكٸن جارىلعىش قۇرىلعىلاردى ٸزدەپ دەپو اۋماعىن تەكسەرٸپ جاتقانىن ايتقان. ولاردىڭ بٸرەۋٸ تابىلدى.
بيلٸك وق اتقان ادامنىڭ اتى-جٶنٸن جارييالامايدى. الايدا, كەشە AP اگەنتتٸگٸ حابارلاعانداي, قۇقىق قورعاۋ ورگاندارىنداعى دەرەككٶزدەرٸنٸڭ مەلٸمەتٸنشە, وق اتقان – 57 جاستاعى سەميۋەل كەسسيدي. ول دەپودا 2012 جىلدان بەرٸ جۇمىس ٸستەگەن. پوليتسييا ونىڭ ٷيٸن دە تٸنتۋدە. وپات بولعانداردىڭ اراسىندا 29 مەن 63 جاس ارالىعىنداعى ەر ادامدار بار.
