AQSh-taǵy Kaliforniia shtatynyń biligi tabiǵi órt qaýip tóndirgen 119 myńnan astam turǵyndy evakýatsiialaýǵa májbúr boldy. Bul týraly juma kúni gýbernator Gevin Niýs óziniń Twitter paraqshasynda júrgizilgen baspasóz máslihatynda aitty, dep habarlaidy "Ult aqparat".
«Evakýatsiia jónindegi habarlama jaǵdaidyń qaýiptiligine bailanysty berilip otyr. Buǵan jeńil qaraýǵa bolmaidy. Biz mundai habarlamany 119 myń adamǵa jiberdik», - dep atap kórsetti ol.
Degenmen The Associated Press agenttiginiń derekterine qaraǵanda, bul kórsetkish qazirdiń ózinde 140 myń adamnan asqan.
Gýbernatordyń aqparatyna sáikes, Kaliforniianyń soltústigindegi órt oshaqtary 367-den 560-qa ósken.
312 myń gektar jer órtenip ketti. Alapat jalynmen kúreske 12 myń órt sóndirýshi, myńnan astam mashina, 241 býldozer, 88 tikushaq jáne 24 ushaq tartylǵan.
Alty adam qurban boldy.
Aita ketsek, Niýs 18 tamyzda aptap ystyq pen órtke bailanysty shtatta tótenshe jaǵdai jariialaǵan bolatyn.
Kaliforniiadaǵy Ajal alqabyndaǵy Mohave shóli aýmaǵynda jańa temperatýralyq rekord tirkeldi. Munda termometr baǵany 54,4 gradýsqa deiin kóterilgen.
