Qazaqstan Elshisi Darhan Káletaev Ýkraina Prezidenti Vladimir Zelenskiige senim gramotalaryn tapsyrdy, dep habarlaidy "Ult aqparat" QR Syrtqy ister ministrliginiń resmi jańalyqtarynyń Telegram arnasyna silteme jasap.
Elshi rásim aiasynda ótken suhbat barysynda Qazaqstannyń joǵarǵy basshylyǵynyń Ýkrainamen keń aýqymdy máseleler boiynsha pragmatikalyq yntymaqtastyqty damytýǵa múddeliligin rastady. Sonymen birge, ol eki el halyqtarynyń tyǵyz tarihi bailanysy men eki memleket arasyndaǵy saýda-ekonomikalyq, mádeni-gýmanitarlyq yntymaqtastyqtyń mańyzdy áleýetin atap ótti.
