Qatty turmystyq qaldyqtar poligondarynyń 82 paiyzy ekologiialyq jáne sanitarlyq normalarǵa sáikes kelmeidi. Bul týraly Senattyń jalpy otyrysynda depýtat Ábdáli Nuraliev aitty, dep habarlaidy "Ult aqparat".
Senator qalalardaǵy aýanyń joǵary deńgeide lastanýy, qatty turmystyq qaldyqtar poligondarynyń nashar jaǵdaiy jáne jaiylym jerleriniń tozýy máselesine nazar aýdardy.
«Qazirgi ýaqytta elimizdegi bar 3 myńnan astam poligonda 125 mln tonnadan asa qatty turmystyq qaldyqtar jinalǵan. Bul poligondardyń 82 paiyzy ekologiialyq jáne sanitarlyq normalarǵa sai kelmeidi. «Qazaqstan Ǵarysh Sapary» kompaniiasynyń ǵaryshtyq monitoringi aiasynda elimizde jyldar boiy zańsyz qoqys oryndarynyń kóbeiýi anyqtaldy, biraq olardy joiý sharalary tolyq sheshimin tappai otyr», - dedi Ábdáli Nuraliev Úkimet basshysynyń atyna joldaǵan saýalynda.
Sonymen qatar, ol máseleni kórsetip qana qoimai, olardy sheshýdiń yqtimal joldaryn aitty.
Senator atap aitqanda mektepterge ekologiialyq tárbieni qarqyndy túrde engizýdi, aýanyń tazalyǵyna arnalǵan arnaiy zań jobasy men turmystyq qaldyqtardy qaita óńdeý jáne joiý jónindegi memlekettik baǵdarlama ázirleýdi usyndy.
