kórneki sýret
Qalasynyń lastaný deńgeii eń nashar 115 eldiń arasynda túzilgen reitingte Qazaqstan 33-orynda tur, dep habarlaidy QazAqparat energyprom.kz-ke silteme jasap.
Elderdiń qalalarynyń lastanýyna orai túzilgen reitingte Qazaqstan álemniń 115 eliniń ishinde 33-orynǵa turaqtaǵan. Lastaný indeksi – 73,4. Bul rette indekstiń joǵary bolýy jaǵdaidyń nashar ekendigin bildiredi. Eń las elder reitinginiń kóshbasynda Kamerýn, Mońǵoliia jáne Mianma tur. Al álemdegi eń úzdik kórsetkish, iaǵni tazalyǵy jaǵynan joǵary baǵa Finliandiiaǵa tiesli. Bul eldiń lastaný indeksi 12,1 ǵana.
Reitingke TMD elderiniń ishinde Qazaqstanǵa qaraǵanda lastanýy joǵary elderdiń qatarynda Ázerbaijan bar. Al Moldova, Ýkraina, Resei, Armeniia jáne Belarýsta jaǵdai birshama jaqsy.
Ótken jyldyń 12 aiynyń qorytyndysynda elimizde qorshaǵan ortany qorǵaýǵa baǵyttalǵan kúrdeli investitsiia kólemi 4,3 paiyzǵa artyp, 16,,9 mlrd teńgege deiin jetti. Salystyrmaly túrde aitar bolsaq, 2020 jyly sektorǵa salynǵan investitsiia kólemi 157,1 mlrd teńgeni quraǵan bolatyn.
Óńirler arasynda sektordaǵy kúrdeli investitsiianyń eń joǵary kólemi Jambyl oblysynda tirkelgen. Óńir sektorǵa 1 jyl burynǵy kólemge qaraǵanda qarjyny 4 esege ulǵaityp, 52,8 mlrd teńgege jetkizgen. Sonymen qatar sektorǵa qarjy salýda Nur-Sultan (26 mlrd teńge) men Aqtóbe oblysy (19,8 mlrd teńge) jaqsy kórsetkishke ie. Úzdik bestik qataryna Atyraý men Shyǵys Qazaqstan oblystary da kiredi. Al Almaty oblysy bir jyldyń ishinde sektorda 579,6 mln teńge jumsasa, Soltústik Qazaqstan oblysy ótken jyly múlde investitsiia shyǵyndamaǵan.
