كٶرنەكٸ سۋرەت
قالاسىنىڭ لاستانۋ دەڭگەيٸ ەڭ ناشار 115 ەلدٸڭ اراسىندا تٷزٸلگەن رەيتينگتە قازاقستان 33-ورىندا تۇر, دەپ حابارلايدى قازاقپارات energyprom.kz-كە سٸلتەمە جاساپ.
ەلدەردٸڭ قالالارىنىڭ لاستانۋىنا وراي تٷزٸلگەن رەيتينگتە قازاقستان ەلەمنٸڭ 115 ەلٸنٸڭ ٸشٸندە 33-ورىنعا تۇراقتاعان. لاستانۋ يندەكسٸ – 73,4. بۇل رەتتە يندەكستٸڭ جوعارى بولۋى جاعدايدىڭ ناشار ەكەندٸگٸن بٸلدٸرەدٸ. ەڭ لاس ەلدەر رەيتينگٸنٸڭ كٶشباسىندا كامەرۋن, موڭعولييا جەنە ميانما تۇر. ال ەلەمدەگٸ ەڭ ٷزدٸك كٶرسەتكٸش, ياعني تازالىعى جاعىنان جوعارى باعا فينليانديياعا تيەسلٸ. بۇل ەلدٸڭ لاستانۋ يندەكسٸ 12,1 عانا.
رەيتينگكە تمد ەلدەرٸنٸڭ ٸشٸندە قازاقستانعا قاراعاندا لاستانۋى جوعارى ەلدەردٸڭ قاتارىندا ەزەربايجان بار. ال مولدوۆا, ۋكراينا, رەسەي, ارمەنييا جەنە بەلارۋستا جاعداي بٸرشاما جاقسى.
ٶتكەن جىلدىڭ 12 ايىنىڭ قورىتىندىسىندا ەلٸمٸزدە قورشاعان ورتانى قورعاۋعا باعىتتالعان كٷردەلٸ ينۆەستيتسييا كٶلەمٸ 4,3 پايىزعا ارتىپ, 16,,9 ملرد تەڭگەگە دەيٸن جەتتٸ. سالىستىرمالى تٷردە ايتار بولساق, 2020 جىلى سەكتورعا سالىنعان ينۆەستيتسييا كٶلەمٸ 157,1 ملرد تەڭگەنٸ قۇراعان بولاتىن.
ٶڭٸرلەر اراسىندا سەكتورداعى كٷردەلٸ ينۆەستيتسييانىڭ ەڭ جوعارى كٶلەمٸ جامبىل وبلىسىندا تٸركەلگەن. ٶڭٸر سەكتورعا 1 جىل بۇرىنعى كٶلەمگە قاراعاندا قارجىنى 4 ەسەگە ۇلعايتىپ, 52,8 ملرد تەڭگەگە جەتكٸزگەن. سونىمەن قاتار سەكتورعا قارجى سالۋدا نۇر-سۇلتان (26 ملرد تەڭگە) مەن اقتٶبە وبلىسى (19,8 ملرد تەڭگە) جاقسى كٶرسەتكٸشكە يە. ٷزدٸك بەستٸك قاتارىنا اتىراۋ مەن شىعىس قازاقستان وبلىستارى دا كٸرەدٸ. ال الماتى وبلىسى بٸر جىلدىڭ ٸشٸندە سەكتوردا 579,6 ملن تەڭگە جۇمساسا, سولتٷستٸك قازاقستان وبلىسى ٶتكەن جىلى مٷلدە ينۆەستيتسييا شىعىنداماعان.
