Foto: ál-Farabi atyndaǵy QazUÝ-dyń Baspasóz qyzmeti
Oqý jylynyń bastalýyna bailanysty uiymdastyrylǵan «Digital Kazakhstan: Jańa zamandaǵy bilim berý» atty pedagogterdiń tamyz sammiti ótti. Oǵan Ál-Farabi atyndaǵy Qazaq ulttyq ýniversitetiniń Basqarma Tóraǵasy – Rektory Janseiit Túimebaev bastaǵan oqytýshy-professorlar quramy da qatysty.
Sammitke 2500-den astam bilim berý qyzmetkerleri, qazaqstandyq jáne halyqaralyq sarapshylar, Senat depýtaty Nuriia Niiazova, Májilistiń Áleýmettik-mádeni damý komitetiniń tóraǵasy Ashat Aimaǵambetov, Almaty qalasynyń ákimi Erbolat Dosaev, Oqý-aǵartý ministrliginiń ókilderi, JOO rektorlary qatysty.
Almaty qalasynyń ákimi Erbolat Dosaev pedagogtardy kele jatqan jańa oqý jylymen quttyqtap: «Biylǵy sammit baǵdarlamasy zamanaýi tsifrlyq quraldar men jasandy intellektti bilim berý úderisine biriktirýge baǵyttalǵan. Bul integratsiia bilim alý men oqý sapasyn jaqsartýǵa jańa jol ashady. Almatyda birqatar joba júzege asyrylyp jatyr, onda tsifrlyq sheshimder bizdiń balalarymyz úshin bilim berý sapasyn arttyrady, ózgertedi. Mysaly, Kitap.kz, TopIQ.kz, «AlmatyKids.kz» pilottyq rejimde jańa jobalar sátti júzege asyp, jasandy intellekt negizinde virtýaldy repetitordy engizý kózdelgen», – dedi.
Plenarlyq otyrysta, pedagogterdiń biliktiligin arttyrý, bilim berý úderisine innovatsiialardy engizý máselesi talqylanyp, bilim berý salasyn damytýdyń jańa vektorlary aiqyndaldy. Jiynda bilim berýdi tsifrlandyrý jáne tsifrlyq innovatsiia salasyndaǵy memlekettik saiasat máselesi, balalar men pedagogtardyń kiberqaýipsizdigi máselesi, onyń ishinde etikalyq aspektiler talqylandy.
Is-shara sońynda bilim berýdi damytýǵa qosqan úlesi úshin birqatar pedagog arnaiy marapattarǵa ie boldy.
Qaragóz Serikqyzy,
ál-Farabi atyndaǵy QazUÝ, Baspagerlik, redaktorlyq jáne dizainerlik óner
kafedrasynyń oqytýshysy.
