«Nur Otan»-nyń Shyǵys Qazaqstan oblystyq filialy tóraǵasynyń birinshi orynbasary Oleg Chýgýnkov óńirlik máslihat depýtattarynyń partiia quramynan shyǵýyna bailanysty óz pikirin bildirip, áleýmettik jelide jazbasyn jariialady.
«Dostar, áriptester. Dabyl qaǵatyndai, jahandyq qubylystar oryn alyp jatqan joq. Iá, rasynda, bizdiń fraktsiiadan qalalyq máslihattyń eki depýtaty «Nur Otan» partiiasynan shyǵatyndyǵyn jáne depýtattyq ókilettilikterin toqtatatyndyqtary týraly málimdedi.
Osyǵan bailanysty, saiasi partiia – bul ortaq saiasi maqsattar men ustanymdar negizinde qurylǵan azamattardyń erikti birlestigi ekenin eske salǵym keledi. Osylaisha, eki azamat ózderiniń ajyramas konstitýtsiialyq quqyqtaryn eki ret paidalandy: birinshi ret partiiaǵa kirgende, ekinshisi odan shyqqan kezde. Olarǵa aitarymyz! Joldary ashyq bolsyn! Biz eshkimdi kúshpen ustamaimyz», - delingen Chýgýnkovtyń feisbýktegi paraqshasynda.
Máseleniń myń sebebi bolady degendei, filial tóraǵasynyń birinshi orynbasary máslihat depýtattarynyń partiiadan shyǵýynyń bir sebebi: «Ózderińizge belgili, kelesi aidan bastap biz jariia formatta partiiamyzdyń atynan depýtattardyń qoǵamdyq reitingin qalyptastyrý úshin onlain platformany iske qosamyz. Bul reiting máslihattar depýtattaryn Halyqpen neǵurlym tiimdi jáne turaqty ózara is-qimyl jasaýǵa yntalandyrý jáne sailaý aldyndaǵy baǵdarlamalardy iske asyrý úshin olardyń derbes jaýapkershiligin arttyrý maqsatynda qurylady. Múmkin, bizdiń burynǵy áriptesterimiz sondyqtanda aldyn ala shýlap, óz mindettemelerinen "bosatýdy" sheshken shyǵar», - deidi.
Sonymen qatar, ol qazirdiń ózinde qolynda «Nur Otan» qataryna kirý nieti 200-den astam adamnyń ótinishteri jatqanyn, adamdardyń partiia qataryna kirýi jáne shyǵýy qalypty jaǵdai ekenin jáne muny partiianyń ózin-ózi tazartý aktisi retinde qarańyzdar dep jazǵan.
Jazba sońynda «Begi men halqynyń yntymaǵy joq jerde, dushpanynyń aldaýyna sengen, arbaýyna kóngen jerde, inisi men aǵasy daýlasqan, begi menen qarashasy jaýlasqan jerde el eldiginen aiyrylady» - degen eken Kúltegen babamyz.
Egemen elimizdiń erteńiniń baiandy bolýy, eldegi azamattardyń bereke birliginde ekendigi shyndyq. Sondyqtanda elimizdiń damýymen órkendeýi jolynda birlese jumys atqaryp, el moiynyna túsken júkti jumyla kóterýimiz qajet dep oilaimyn», - delingen.
