Ekologiia, geologiia jáne tabiǵi resýrstar ministri Maǵzum Myrzaǵaliev elimizdiń ekologiialyq ahýalyn jaqsartý jumysy qalai júrgizilip jatqanyn aitty, dep habarlaidy QazAqparat.
«Esepti qorshaǵan ortany qorǵaý salasynan bastasam. Ministrlik ulttyq jáne óńirlik sipattaǵy segmentter, sondai-aq olardy sheshý dárejesi boiynsha ekologiialyq problemalarǵa tekserý júrgizgen bolatyn. Óńirlik ekologiialyq problemalardy taldaý atmosferalyq aýanyń lastanýy jáne qaldyqtardy basqarý máseleleri neǵurlym ótkir problemalardyń biri ekendigin kórsetti», - dedi Maǵzum Myrzaǵaliev OKQ ótken halyqqa esep berý kezdesýinde.
Ministrdiń aitýynsha 2019 jyly ekologiialyq monitoringtiń nátijesinde Aqtóbe, Atyraý, Nur-Sultan, Almaty, Shymkent, Óskemen qalalarynda atmosferalyq aýanyń lastanýynyń joǵary deńgeii anyqtalǵan.
«Ziiandy zattar shyǵaryndylarynyń jalpy deńgeii 2018 jyldyń deńgeiinde turaqtandy. Bul shamamen - 2,5 mln tonna. Tógindiler kólemi 2018 jyly 1,1 mln tonnadan 2019 jyly 0,98 mln tonnaǵa deiin nemese 10 paiyzǵa tómendedi. Osy kórsetkishkerge tabiǵat qorǵaý sharalaryn iske asyrý jáne kásiporyndardyń ekologiialyq taza tehnologiialardy engizý arqyly qol jetkizdik. 2019 jyly ekologiialyq jaǵdaidy jaqsartýǵa tabiǵat paidalanýshylarmen 172 mlrd teńge investitsiialandy. Bul 2018 jylǵy deńgeiden 7 paiyzǵa artyq (161 mlrd. teńge)», - deidi ol.
Maǵzum Myrzaǵaliev mysaly, Pavlodar oblysynyń «Qazaqstan aliýminiii» kásipornynda nemis tehnologiiasynyń elektrofiltri iske qosylyp, bir metrge 50 miliggramǵa deiin qaldyq shańdy tazartýdyń joǵary deńgeiin kórsetip, jaqsy nátijeler berip jatqanyn aitady. Sondai-aq, osy aidyń sońynda ekinshi filtrdi ornatý josparlanýda.
«Jentekteý tsehynda shyǵaryndylardy jalpy qysqartý jylyna 2,4 myń tonnany quraidy. Qaraǵandy oblysynda «Qazaqmys Smelting» kásipornyna qaraityn Jezqazǵan mys balqytý zaýyty ozyq tehnologiiany qoldana otyryp, jańa kúkirt qyshqyly tsehyn salýdy jáne paidalanýǵa berýdi josparlaýda. Bul kúkirt dioksidiniń shyǵaryndylaryn 3 ese, iaǵni 60 myńnan 20 myń tonnaǵa deiin tómendetýge múmkindik beredi», - dedi ol.
