Elordanyń bas sanitarlyq dárigeri Sarhat Beisenova qala nemese óńirdiń qandai jaǵdaida «qoiý qyzyl» aimaqqa ótetinin túsindirdi, dep habarlaidy QazAqparat.
«QR aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiia otyrysynyń 2021 jylǵy 29 shildedegi hattamasy negizinde QR Bas memlekettik sanitariialyq dárigeriniń qaýlysy shyǵaryldy. Onda shekteýlerdi qabyldaý kriteriileri anyqtaldy jáne «qoiý qyzyl» aimaq anyqtamasy paida boldy», - dedi Beisenova elorda ákimdiginde ótken brifingide.
Spiker koronavirýsqa qatysty atalǵan jańa mártebeni anyqtaý mehanizmi týraly aityp berdi.
«Qoiý qyzyl» aimaq» - 18 shilde men 2 tamyz aralyǵynda Qazaqstannyń 5 qalasy, onyń ishinde Nur-Sultan qalasy kirgen qaýipti aimaq (infektsiialyq tósek-orynnyń tolýy 70 paiyzdan asqanda jáne 100 myń turǵynǵa shaqqanda 200 tósek-oryn tolǵan jaǵdaida). Osyǵan bailanysty, «Nur-Sultan qalasynda shekteý jáne karantin sharalaryn qatańdatý týraly» qaýly qabyldanyp, áleýmettik-ekonomikalyq nysandardyń jumys rejimine tiisti ózgerister engizildi», - dep túiindedi Beisenova.
