Almaty ákimi Baqytjan Saǵyntaevtyń tóraǵalyǵymen koronavirýs infektsiiasynyń taralýyna qarsy is-qimyl jónindegi jedel shtab otyrysy ótti, dep habarlaidy QazAqparat.
«Qabyldanǵan júieli sharalar men halyqty vaktsinalaýdyń arqasynda derttiń aptalyq kórsetkishi 100 myń turǵynǵa shaqqanda 169-dan 134,6-ǵa deiin tómendedi. Jyl basynan 10 qazanǵa deiingi kezeńde 154,7 myń KVI jaǵdaiy tirkeldi. Sońǵy táýlikte virýs 326 adamnan anyqtaldy. Ótken aptada juqtyrý indeksi 0,94-ten 0,89-ǵa deiin tómendedi», - dedi ákim.
Qalanyń Sanitarlyq-epidemiologiialyq baqylaý departamentiniń derekteri boiynsha Almaty halqynyń immýndyq qabaty shamamen 53 paiyz boldy. Halyqtyń resmi sanynyń 45%-y jyl basynan beri aýyrǵandardyń +7,7%-y eki komponentpen egildi. Bul rette vaktsinanyń tiimdiligi baiqalady.
Biylǵy jyldyń 10 qazanyna deiingi ýaqytta vaktsinanyń eki komponentin 892 482 adam aldy. Onyń ishinde 2 717 turǵyn aýyrdy, iaǵni barlyǵy 0,3%. Aýyrǵandardyń jas quramyn salystyrmaly taldaý kezinde sońǵy 2 aptada 20-39 jas aralyǵyndaǵy neǵurlym belsendi azamattar arasynda syrqattaný 1,6% -ǵa, 40-59 jas aralyǵynda – 1,3%-ǵa, 60 jastan joǵary - 0,7%-ǵa ósýi baiqalady. 14 jasqa deiingi balalar men jasóspirimderdiń syrqattanýy tiisinshe 0,9%-ǵa jáne 0,6%-ǵa tómendedi. Sońǵy 7 kúnde aýrý ózin-ózi jumyspen qamtyǵan jáne jumys istemeitin azamattar esebinen qalyptasty – 27%, zeinetkerler – 24% (1%-ǵa ósti), kásiporyndar men uiymdar qyzmetkerleri – 22% (1%-ǵa ósti), oqýshylar-12,3% (3%-ǵa tómendedi) jáne mektep jasyna deiingi balalar – 4,3% (0,9%-ǵa tómendedi). Offlain oqýdaǵy oqýshylardyń naýqastanýy onlain oqýǵa qaraǵanda 10 ese tómen.
Juqtyrýdyń naqtyly anyqtalǵan oryndary boiynsha aldyńǵymen salystyrǵanda sońǵy aptada týystarmen, kórshilermen jáne tanystarmen bailanys kezinde 0,4% jáne 0,7%-ǵa tómendeýi jalǵasýda. Juqtyrýdyń yqtimal oryndary boiynsha bazarlarda – 2,8%-ǵa, azyq-túlik saýda jelilerinde, sýper-gipermarketterde – 0,7%-ǵa, azyq-túlik emes dúkenderde – 0,6%-ǵa, qoǵamdyq kólikte – 1,8%-ǵa, otbasylyq is-sharalardy ótkizý kezinde – 0,4%-ǵa ósý baiqalady. Ótken aptanyń qorytyndysy boiynsha basty juqtyrý oryndary saýda obektileri – 34%, qoǵamdyq kólik – 20%, otbasylardaǵy bailanystar – 16%, bazarlar – 13%.
Jedel shtab otyrysy barysynda Baqytjan Saǵyntaev vaktsinatsiia boiynsha túsindirý jumystaryn kúsheitýdi, bilim berý nysandaryndaǵy epidemiologiialyq ahýalǵa monitoringti jalǵastyrýdy, shekteý sharalarynyń saqtalýyn baqylaýdy tapsyrdy. Sonymen qatar, densaýlyq saqtaý basqarmasyna tumaý men vaktsinatsiia kúntizbesine kiretin aýrýlarǵa qarsy vaktsinalaýdy jalǵastyrý tapsyryldy.
