Jýrnalist Mark Feiginniń YouTube-arnasyndaǵy efirde Aleksei Arestovich mamyr - reseilik jáne ýkrain taraptary arasynda kelisim jasaýdyń sońǵy merzimi ekenin aitty. Efirdi birqatar ýkrain BAQ ókilderi jariialaǵan.
"Meniń oiymsha, mamyrdyń basynan keshikpei, mamyrdyń basynda bitimgershilik kelisimge qoljetkizýimiz múmkin. Odan da erterek bolýy múmkin. Kóremiz, men eń sońǵy merzimdi alamyn. Qazir nemese bir-eki aptanyń ishinde áskerdi shyǵarýmen qatar, bitimgershilik kelisim bolady, qalǵanynyń bári ... nemese jaqyn arada kelisemiz - bir-eki apta nemese mamyrdyń aiaǵyna deiin, kezekti soǵys áreketinen keiin", - dedi Arestovich.
Beibitshilik kelisimnen keiin de shaǵyn taktikalyq qaqtyǵystar bir jylǵa sozylýy múmkin, dedi Arestovich, degenmen Ýkraina Resei áskerin óz territoriiasynan tolyq shyǵarýdy talap etip otyr.
Bul rette Kremldiń baspasóz hatshysy Dmitrii Peskov máselege qatysty pikir bildire otyryp, Reseidiń Ýkrainadaǵy arnaiy operatsiiasynyń aiaqtalý merzimderi jariialanbaǵanyn aitty.
Sonymen qatar, Peskov Resei prezidenti Vladimir Pýtinniń operatsiia barysyna kóńili tola ma degen naqtylaý suraǵyna jaýap bermedi. Onyń aitýynsha, Reseidiń Ýkrainadaǵy arnaiy áskeri operatsiiasy josparǵa sai jáne merziminde jáne tolyq kólemde aiaqtalady.
Máskeý men Kiev arasyndaǵy kelissózderdiń tórtinshi raýndy beinekonferentsbailanys arqyly ótti. Ýkraina prezidenti keńsesi basshysynyń keńesshisi Mihail Podoliaktyń aitýynsha, 15 naýryzǵa deiin tehnikalyq úzilis jasalǵan.
