Pavlodardaǵy kafelerdiń birinde qonaqtardy uryp-soqqan kúzetshiler 7 jylǵa deiin sottalýy múmkin, - dep habarlaidy Ult.kz tilshisi kaz.tengrinews.kz portalyna silteme jasap.
Kúzet firmasynyń kúzetshileri ustaldy. "Bul derek "Buzaqylyq" baby boiynsha sotqa deiingi biryńǵai reestrge tirkeldi."Elekor Kýzet" kúzet firmasynyń eki qyzmetkeri ustaldy", - dep habarlady oblystyq IID ókilderi.
Sonymen qatar, politsiiadaǵylar osy derek boiynsha quqyq qorǵaý organdaryna eshkimniń shaǵymdanbaǵanyn atap ótti. Áleýmettik jelilerde taralǵan videoǵa qatysty tekseris bastaldy. Eger ustalǵandardyń kinási dáleldense, olar jeti jylǵa deiin bas bostandyǵynan aiyrylýy múmkin eken.
Al osynyń aldynda "Elekor Kýzet" kúzet agenttiginiń ókilderi bolǵan oqiǵa jaily óz nusqasyn aitqan edi. Eske salaiyq, Pavlodarda avtomat asynǵandardyń er adamdardy aiaýsyz uryp-soqqan videosy paida bolǵan edi. Rolik kadrlarynda avtomat asynǵan jáne forma kigender kafelerdiń birinde er adamdardy aiaýsyz uryp-soqqany kórinedi. Videoǵa túsirip otyrǵandar olardy sabyrǵa shaqyrady. Alaida olar qulaq aspaidy.
