Prezidenttik jastar kadrlyq rezerviniń múshesi, shahmattan Qazaqstan men Aziianyń birneshe dúrkin chempiony, Shymkent qalasy bilim basqarmasy basshysynyń orynbasary Gúlishan Nahbaeva shahmat úiretýdi mektep baǵdarlamasyna engizýdi usyndy, dep habarlaidy QazAqparat.
«Meniń basty ideiam – sporttyń bul túrin ziiatkerlik retinde nasihattaý, iaǵni balalarǵa oiynmen tanysýǵa jáne aqyldy, tolerantty, básekege qabiletti urpaq tárbieleýge múmkindik berý», - dedi Gúlishan Nahbaeva Prezidenttik jastar kadrlyq rezervi forýmynda sóilegen sózinde.
Spiker adami kapitaldyń basty maqsaty – el ekonomikasyn damytý ekenin atap ótti.
«El ekonomikasynyń basym bóligin bilim berý sektory alyp otyr. Sondyqtan, biz shahmatty mekteptegi oqý baǵdarlamasyna dene shynyqtyrý retinde qosatyn bolsaq, onda keleshek urpaq aqyldy bolyp ósedi dep oilaimyn. Óitkeni, balalar – elimizdiń bolashaǵy. Qazirgi ýaqytta men Shymkent ákiminiń shaqyrtýymen bilim basqarmasyna aýystym. Munda pilottyq rejimde úiirme retinde 2-4 synyp oqýshylaryna shahmatty mektep baǵdarlamasyna qostyq. Ol úshin 360-tan astam dene tárbiesi muǵalimi shahmatty úiretý ádisteri boiynsha arnaiy biliktilik kýrsynan ótti», - deidi Gúlishan Nahbaeva.
