پرەزيدەنتتٸك جاستار كادرلىق رەزەرۆٸنٸڭ مٷشەسٸ, شاحماتتان قازاقستان مەن ازييانىڭ بٸرنەشە دٷركٸن چەمپيونى, شىمكەنت قالاسى بٸلٸم باسقارماسى باسشىسىنىڭ ورىنباسارى گٷلٸسحان ناحباەۆا شاحمات ٷيرەتۋدٸ مەكتەپ باعدارلاماسىنا ەنگٸزۋدٸ ۇسىندى, دەپ حابارلايدى قازاقپارات.
«مەنٸڭ باستى يدەيام – سپورتتىڭ بۇل تٷرٸن زيياتكەرلٸك رەتٸندە ناسيحاتتاۋ, ياعني بالالارعا ويىنمەن تانىسۋعا جەنە اقىلدى, تولەرانتتى, بەسەكەگە قابٸلەتتٸ ۇرپاق تەربيەلەۋگە مٷمكٸندٸك بەرۋ», - دەدٸ گٷلٸسحان ناحباەۆا پرەزيدەنتتٸك جاستار كادرلىق رەزەرۆٸ فورۋمىندا سٶيلەگەن سٶزٸندە.
سپيكەر ادامي كاپيتالدىڭ باستى ماقساتى – ەل ەكونوميكاسىن دامىتۋ ەكەنٸن اتاپ ٶتتٸ.
«ەل ەكونوميكاسىنىڭ باسىم بٶلٸگٸن بٸلٸم بەرۋ سەكتورى الىپ وتىر. سوندىقتان, بٸز شاحماتتى مەكتەپتەگٸ وقۋ باعدارلاماسىنا دەنە شىنىقتىرۋ رەتٸندە قوساتىن بولساق, وندا كەلەشەك ۇرپاق اقىلدى بولىپ ٶسەدٸ دەپ ويلايمىن. ٶيتكەنٸ, بالالار – ەلٸمٸزدٸڭ بولاشاعى. قازٸرگٸ ۋاقىتتا مەن شىمكەنت ەكٸمٸنٸڭ شاقىرتۋىمەن بٸلٸم باسقارماسىنا اۋىستىم. مۇندا پيلوتتىق رەجيمدە ٷيٸرمە رەتٸندە 2-4 سىنىپ وقۋشىلارىنا شاحماتتى مەكتەپ باعدارلاماسىنا قوستىق. ول ٷشٸن 360-تان استام دەنە تەربيەسٸ مۇعالٸمٸ شاحماتتى ٷيرەتۋ ەدٸستەرٸ بويىنشا ارنايى بٸلٸكتٸلٸك كۋرسىنان ٶتتٸ», - دەيدٸ گٷلٸسحان ناحباەۆا.
