Bilikti mamandar daiyndaý jumysy kásiporyndardan bastalýy tiis. Bul týraly búgin Salalyq kásiptik standarttardy ázirleý máseleleri boiynsha biliktilik jónindegi ulttyq keńes otyrysynda QR Premer-Ministriniń orynbasary Berdibek Saparbaev aitty, dep habarlaidy QazAqparat.
«Biz kadrlardy kimge jáne ne úshin daiyndaityndyǵymyzdy bilýimiz qajet. Ol kadrlar eńbek naryǵynda talap etilgen bolýy tiis. Eń bastysy erteń olardy jumys isteitindigin kórsetýimiz kerek. Sondyqtan Zeinetaqy tóleý jónindegi memlekettik ortalyq arqyly jumysqa ornalasýdy engizdik», - dedi vitse-premer.
Osy rette ol kadrlardy daiyndaý jumysyn kásiporyndarmen birlese otyryp qolǵa alý kerektigine nazar aýdardy.
«Kásiporyndardan bastaý qajet. Kásiporyndar shyndyǵyna kelgende endi 10 jyldan keiin qandai mamandar qajet ekendigin, kimdi daiyndaý kerektigin biledi. Soǵan sai mamandarǵa bizdiń oqý oryndaryna tapsyrys berilýi tiis. Sol kezde bizge qajetti daǵdysy, quzireti, kásibiligi bar mamandar bolady», - dedi B.Saparbaev.
