Foto: QR TSM
Almatyda ótken kadetter arasyndaǵy (U8–U12) shahmattan Álem chempionaty-2025 máresine jetti. Qazaqstan quramasy tarihi jetistikke qol jetkizip, úsh altyn medal ielendi, dep habarlaidy Ult.kz.
Álem chempiony atanǵan qazaqstandyqtar:
-
Alisha Bisalieva (G8, 8 jas) – 9½ upai;
-
Ádinur Ádilbek (O8, 8 jas) – 9½ upai;
-
Danis Qýandyquly (O12, 12 jas) – 9 upai.
Alisha men Ádinur sońǵy týrda teń túse otyryp, altyn júldeni jeńip aldy. Al Danis Qýandyquly óz jetistigin qaitalap, eki dúrkin álem chempiony atandy.
Jalpykomandalyq esepte de Qazaqstan úzdik nátije kórsetti.
Biylǵy dodaǵa 88 elden 842 jas shahmatshy qatysyp, olardyń ishinde Qazaqstannyń barlyq óńirinen 229 oiynshy baq synady. Jarys 11 týrdan turatyn shveitsariialyq júie boiynsha Balýan Sholaq atyndaǵy sport kesheninde ótti.
Qazaqstannyń týrizm jáne sport ministri Erbol Myrzabosynov chempiondardy, olardyń otbasylaryn jáne jattyqtyrýshylaryn quttyqtap, bul jeńis memlekettik qoldaýdyń, balalardyń talanty men tabandylyǵynyń jemisi ekenin atap ótti. Onyń aitýynsha, elimizde shahmatty damytýdyń 2027 jylǵa deiingi keshendi jospary iske asyrylyp, búginde 300 myńǵa jýyq bala shahmatpen shuǵyldanýda.
