Pýlmonolog dáriger Sattar Eraliev pnevmoniianyń anyqtamasyna toqtalyp, odan qalai saqtaný kerektigi jóninde keńes berdi,dep habarlaidy QazAqparat.
Dárigerdiń aitýynsha, eń aldymen pnevmoniia men koronavirýstyń ara jigin ajyratyp alý kerek.
«Adam ókpesi aýa aýysatyn alveolalar men ókpe karkasyn quraityn dáneker tinderden turady. Koronavirýs pnevmoniiasynda virýs osy dáneker tinderdi qabyndyrady. Eger naýqasta ókpeniń 30-40 paiyzy qabynsa da tynys alý jetkiliksizdigi bolmaidy. Al bakteriialyq nemese kádimgi pnevmoniiada alveol qabynady da naýqas birden entigý bastalady. Biz qorqatyn virýstyq pnevmoniialar ókpeniń 60-70 paiyz jáne odan kóp bóliginde qabynǵanda bastalady. Ol aýa jetispeýine pnevmoniia asqynýy (tromboz, vaskýlit, jedel respiratorlyq distress sindromy, tsitokin shok) qosylady»,– deidi ol.
Sonymen qatar, ol «pnevmoniia» diagnozynan qorqýdyń qajeti joq ekenin tilge tiek etti.
«Pnevmoniiadan emes, koronavirýs infektsiiasynan (KVI) saqtaný kerek. KVI-men aýyrǵan árbir naýqastyń ókpesiniń 80% zaqymdanady, iaǵni pnevmoniia KVI-diń asqynýy emes, ol osy aýrýdyń eń kóp kezdesetin kórinisi»,– deidi dáriger.
Sattar Eraliev koronavirýstan emdelip shyqqan adamdarǵa nege basa nazar aýdarý kerektigin aitty.
«KVI-diń aýyr túrlerinde ókpe ǵana emes, mi jáne vegetativti nervter, baýyr jáne uiqy bezi, búirek zaqymdanady. Qazir ministrliktiń tapsyrmasy boiynsha, jergilikti emhanalarda reabilitatsiialyq bólimsheler quryldy. Sol jerde baryp keńes alǵan durys. KVI-dan keiin immýnitet tómendeidi. Sondyqtan tumaýǵa qarsy vaktsina saldyrǵan durys. Jasy kelgen kisiler (65-ten asqan), diabetpen, ókpeniń sozylmaly obstrýktivti aýrýymen aýyratyn kisilerge pnevmokokk infektsiiasyna qarsy vaktsina saldyrǵan jón»,– dedi spiker.
Sóz sońynda dáriger qabynǵan ókpeni qaita qalpyna keltirýge qansha ýaqyt ketetiniń jetkizdi.
«KVI jeńil túrinde de pnevmoniia bolýy múmkin, eger rentgenge túspese bilmeidi de. Alaida, oǵan bola rentgenge ne kompiýter tomografiiasyna túsýdiń keregi joq. Bul virýsqa qarsy em joq. Koronavirýs pnevmoniiada adam aǵzasy aýrýdy jeńgen kezde, ózi ókpeni birtindep tolyq qalpyna keltiredi. Oǵan 3-6 ai keide odan da uzaq ýaqyt ketýi múmkin. Ol ókpeniń zaqymdanǵan aýmaǵy men naýqas aǵzasynyn erekshelikterine bailanysty»,– dedi pýlmonolog.
