پۋلمونولوگ دەرٸگەر ساتتار ەراليەۆ پنەۆمونييانىڭ انىقتاماسىنا توقتالىپ, ودان قالاي ساقتانۋ كەرەكتٸگٸ جٶنٸندە كەڭەس بەردٸ,دەپ حابارلايدى قازاقپارات.
دەرٸگەردٸڭ ايتۋىنشا, ەڭ الدىمەن پنەۆمونييا مەن كوروناۆيرۋستىڭ ارا جٸگٸن اجىراتىپ الۋ كەرەك.
«ادام ٶكپەسٸ اۋا اۋىساتىن الۆەولالار مەن ٶكپە كاركاسىن قۇرايتىن دەنەكەر تٸندەردەن تۇرادى. كوروناۆيرۋس پنەۆمونيياسىندا ۆيرۋس وسى دەنەكەر تٸندەردٸ قابىندىرادى. ەگەر ناۋقاستا ٶكپەنٸڭ 30-40 پايىزى قابىنسا دا تىنىس الۋ جەتكٸلٸكسٸزدٸگٸ بولمايدى. ال باكتەرييالىق نەمەسە كەدٸمگٸ پنەۆمونييادا الۆەول قابىنادى دا ناۋقاس بٸردەن ەنتٸگۋ باستالادى. بٸز قورقاتىن ۆيرۋستىق پنەۆمونييالار ٶكپەنٸڭ 60-70 پايىز جەنە ودان كٶپ بٶلٸگٸندە قابىنعاندا باستالادى. ول اۋا جەتٸسپەۋٸنە پنەۆمونييا اسقىنۋى (ترومبوز, ۆاسكۋليت, جەدەل رەسپيراتورلىق ديسترەسس سيندرومى, تسيتوكين شوك) قوسىلادى»,– دەيدٸ ول.
سونىمەن قاتار, ول «پنەۆمونييا» دياگنوزىنان قورقۋدىڭ قاجەتٸ جوق ەكەنٸن تٸلگە تيەك ەتتٸ.
«پنەۆمونييادان ەمەس, كوروناۆيرۋس ينفەكتسيياسىنان (كۆي) ساقتانۋ كەرەك. كۆي-مەن اۋىرعان ەربٸر ناۋقاستىڭ ٶكپەسٸنٸڭ 80% زاقىمدانادى, ياعني پنەۆمونييا كۆي-دٸڭ اسقىنۋى ەمەس, ول وسى اۋرۋدىڭ ەڭ كٶپ كەزدەسەتٸن كٶرٸنٸسٸ»,– دەيدٸ دەرٸگەر.
ساتتار ەراليەۆ كوروناۆيرۋستان ەمدەلٸپ شىققان ادامدارعا نەگە باسا نازار اۋدارۋ كەرەكتٸگٸن ايتتى.
«كۆي-دٸڭ اۋىر تٷرلەرٸندە ٶكپە عانا ەمەس, مي جەنە ۆەگەتاتيۆتٸ نەرۆتەر, باۋىر جەنە ۇيقى بەزٸ, بٷيرەك زاقىمدانادى. قازٸر مينيسترلٸكتٸڭ تاپسىرماسى بويىنشا, جەرگٸلٸكتٸ ەمحانالاردا رەابيليتاتسييالىق بٶلٸمشەلەر قۇرىلدى. سول جەردە بارىپ كەڭەس العان دۇرىس. كۆي-دان كەيٸن يممۋنيتەت تٶمەندەيدٸ. سوندىقتان تۇماۋعا قارسى ۆاكتسينا سالدىرعان دۇرىس. جاسى كەلگەن كٸسٸلەر (65-تەن اسقان), ديابەتپەن, ٶكپەنٸڭ سوزىلمالى وبسترۋكتيۆتٸ اۋرۋىمەن اۋىراتىن كٸسٸلەرگە پنەۆموكوكك ينفەكتسيياسىنا قارسى ۆاكتسينا سالدىرعان جٶن»,– دەدٸ سپيكەر.
سٶز سوڭىندا دەرٸگەر قابىنعان ٶكپەنٸ قايتا قالپىنا كەلتٸرۋگە قانشا ۋاقىت كەتەتٸنٸڭ جەتكٸزدٸ.
«كۆي جەڭٸل تٷرٸندە دە پنەۆمونييا بولۋى مٷمكٸن, ەگەر رەنتگەنگە تٷسپەسە بٸلمەيدٸ دە. الايدا, وعان بولا رەنتگەنگە نە كومپيۋتەر توموگرافيياسىنا تٷسۋدٸڭ كەرەگٸ جوق. بۇل ۆيرۋسقا قارسى ەم جوق. كوروناۆيرۋس پنەۆمونييادا ادام اعزاسى اۋرۋدى جەڭگەن كەزدە, ٶزٸ ٶكپەنٸ بٸرتٸندەپ تولىق قالپىنا كەلتٸرەدٸ. وعان 3-6 اي كەيدە ودان دا ۇزاق ۋاقىت كەتۋٸ مٷمكٸن. ول ٶكپەنٸڭ زاقىمدانعان اۋماعى مەن ناۋقاس اعزاسىنىن ەرەكشەلٸكتەرٸنە بايلانىستى»,– دەدٸ پۋلمونولوگ.
