Elimizde qabyldanǵan zańdardyń tiimdiligi 5 jyl ishinde baǵalanatyn bolady. Bul týraly QR Ádilet vitse-ministri Natalia Pan aitty, dep habarlaidy "Ult aqparat".
Natalia Pannyń aitýynsha, «Qazaqstan Respýblikasynyń keibir zańnamalyq aktilerine normashyǵarmashylyqty jetildirý máseleleri boiynsha ózgerister men tolyqtyrýlar engizý týraly» 12 naýryzdaǵy Zańmen memlekettik organdardyń zań qabyldanǵannan keiin bes jyl ishinde onyń tiimdiligin qadaǵalaý mindeti belgilengen.
«Ol úshin Konsýltativtik qujatty ázirleý satysynda ázirleýshi organ zań qabyldanǵannan keiin qol jetkizgisi keletin naqty indikatorlardy aiqyndaýǵa tiis. Keiinnen zań qabyldanǵannan keiin ázirleýshi organ jyl saiyn bes jyl ishinde Ádilet ministrligine, al odan ári Premer-Ministrdiń Keńsesine kepilge salynǵan nysanaly indikatorlarǵa qol jetkizý týraly esep beredi. Budan basqa, onda jańa quqyqtyq retteýdiń naqty oń nemese teris salystyrmaly nátijeleri, sondai-aq zań qabyldaý nátijesinde týyndaityn saldarlardy baǵalaý keltiriledi», - dedi Ádilet vitse-ministri Ortalyq kommýnikatsiialar qyzmetindegi baspasóz máslihaty barysynda.
