Prezidenttiń baspasóz hatshysy Rýslan Jeldibai Qasym-Jomart Toqaevtyń sońǵy kezdesýine jáne qazaqstandyq kómirsýtekti halyqaralyq naryqtarǵa jetkizý baǵyttaryn ártaraptandyrý josparyna qatysty pikir bildirdi, - dep habarlaidy "Ult aqparat".
"Búgin Memleket basshysy elimizdiń kólik-tranzittik áleýetin damytý jóninde keńes ótkizdi. Osyǵan bailanysty jýrnalister tarapynan suraqtar túsip jatyr.
Bul jerde, eń aldymen, geosaiasi turaqsyzdyq jaǵdaiynda Qazaqstan kómirsýtegin halyqaralyq naryqtarǵa jetkizý baǵyttaryn ártaraptandyrý týraly sóz bolyp otyr. Jiynda jańa kólik dálizderin ashý máselesi talqylandy. Bul bir kúndik jumys emes, uzaq merzimdi jospar. Shyn máninde, qabyldanǵan sheshimderdiń eshqandai saiasi astary joq. Resei bizdiń strategiialyq seriktesimiz ári odaqtasymyz bolyp qala beredi. Onyń múddesine nuqsan keltiretin qandai da bir is-áreketterge jol berilmeidi. Qazaqstan tarapyna qatysty da osyndai áreketter jasalmaidy dep úmittenemiz" - dep jazdy Jeldibai Facebook paraqshasynda.
