Bilim jáne ǵylym ministri Ashat Aimaǵambetov "synyp" sózin qaitadan "klasqa" aýystyrýǵa qatysty jeke oiyn aitýdan bas tartty. Biraq bunyń qabyldanǵan sheshim ekenin jetkizdi, dep habarlaidy Sputnik agenttigi.
"Oǵan qatysty jeke oiymdy aitqym kelmeidi. Óitkeni bul – qabyldanǵan sheshim. Sondyqtan ony aitpai-aq qoiaiyn, túsinikteme bermei-aq qoiaiyn", - dedi Aimaǵambetov.
Aita keteiik, maýsym aiynda mádeniet jáne sport ministri Aqtoty Raiymqulova ótken esep berý kezdesýi kezinde halyqaralyq terminderdi qazaq tiline qaitarý úshin terminologiialyq qorǵa monitoring júrgizilgenin jetkizdi. Osyǵan orai buryn qazaq tiline aýdarylǵan 3 300-den astam jalpyǵa birdei qabyldanǵan termin men uǵym qaita qaralyp bekitildi.
"Olardyń 300-ge jýyǵy – halyqaralyq terminder. Mysaly, "murajai" degen sóz "mýzei" bolatyn boldy. Muraǵat – arhiv, taǵy sondai-sondai nárseler", – dedi Raiymqulova.
Budan bólek, azatjol – abzats, paiyz – protsent, synyp – klass, qursym – shina, teńgerim – balans, ánuran – gimn, muqammal – inventar, aqaý – defekt, shegendeý – demarkatsiia, meiramhana – restoran, qimyl – animatsiia, al "áleýet" degen sóz "potentsial" bolyp qaita ózgertildi.
Bul jańalyq qoǵamda úlken daý týdyrǵan soń ministr Raiymqulova terminderdi qaitarý máselesi halyqtyń talqysyna shyǵarylatynyn málimdedi.
Al áleýmettik jelide "synyp" pen "klass" sózderin qyzý talqylady. Bireýler osy ýaqytqa deiin "synypqa" ábden úirengenin jazsa, endi bireýler "klasstyń" qaita kelgenine qýandy.
