Qazirgi kezde respýblikamyzdaǵy din salasy boiynsha aqparattyq-túsindirý jumystary óz nátijesin berip keledi.
Din isteri jáne azamattyq qoǵam ministrligi tarapynan el úkimetiniń salafizmge qatysty resmi ustanymy jariialanǵannan keiin imamdar men teologtardyń aitýynsha, halyq arasynda túsindirý jumystaryn júrgizý jeńildegen, birqatar sálafilik baǵyttaǵy adamdar dástúrli islamǵa bet burǵan. Búgin Astanada ótken Qazaqstan dintanýshylarynyń VI forýmy minberinde ministr N.Ermekbaev osyndai málimetterdi jariia etti.
«Biz destrýktivti din aǵymdardy qarjylandyrý kózderin buǵattaý, saittaryn jabý, radikaldy ádebietterdiń taralýynyń aldyn alý, zańsyz dini jiyndar ótkizýge tyiym salý boiynsha naqty sharalar qabyldaimyz. Keibir dini destrýktivti aǵymdarǵa, onyń ishinde sálafizmge sot júzinde tyiymnyń bolmaýy memlekettiń bul máselede beitarap qalýy nemese eshqandai shara jasamaýyn bildirmeidi. Eger, biz qabyldaǵan sharalar tiisti nátijeler bermese ministrlik sálafizmge zańmen tyiym salý máselesin kóteredi» , – dep atap ótti ministr Nurlan Ermekbaev.
Ult portaly
