Ánshi Jazira Baiyrbekovanyń ápkesi Lázzat Baiyrbekovanyń uly Táýirjan súiiktisine usynys jasaǵanyn habarlady, dep jazady Ult.kz.
Bloger áleýmettik jelidegi paraqshasynda súiiktisiniń usynysty qabyl alǵanyn jariialaǵan. Onyń tańdaýy buǵan deiin otbasyly bolǵan áielge túsken.
Alaida Táýirjannyń anasy Lázzat Baiyrbekova bul jaǵdaiǵa bailanysty pikir bildirip, ázirge "kelin" degen ataýdy qoldanýǵa daiyn emes ekenin aitty.
"Kelinińiz qutty bolsyn dep jazyp jatyrsyzdar. Biraq bul sózdi men tek rasymen kelin atanǵanda ǵana aitamyn. Qazir bul ataýdy qabyldai almaimyn. Kelin, nemere týraly jazǵan tilekterińizge – Alla qalasa, ol kúnge de bararmyz. Balalarym úilenip, óz otaýlaryn qurǵan kezde ǵana ondai quttyqtaýlardy qabyldaimyn", – dedi ol.
Baiyrbekovanyń aitýynsha, ulynyń sheshimine qatysty áli de kúmáni bar.
"Ulymnyń shyn ǵashyq bolǵanyn qalaimyn. Táýirjan úilenýge shyn nietimen daiyndalsyn, oilanyp-pikirlesip sheshsin, dostarynyń áziliniń taqyryby bolyp ketpesin. Úilený úshin de daiyndyq pen jaǵdai qajet qoi", – dep atap ótti ol.
